Nanawagan ang Philippine National Police (PNP) sa publiko nga magpabiling kalma ug likayan ang pagtigom og sobra nga nag-unang panginahanglanon isip pagpangandam sa grabe nga epekto sa El Niño.
Matud ni PNP Chief Gen. Jose Melencio Nartatez Jr., mas kinahanglan ang maalamong pagpangandam imbes nga magkagubot sa kahadlok. Gipasiugda niya ang mosunod: Gamiton sa insakto ug dili usik-usikan ang tubig; Planuhon ang tinuod nga panginahanglan sa pamilya; Paliton lamang ang igo nga kinahanglan — dili ang pagtipig og daghan nga dili magamit.
Ang pagpalit lamang sa inadlaw-adlaw nga gikinahanglan makasiguro nga mas daghang tawo ang makakuha sa ilang mga panginahanglanon.
Sa pagkakaron, nagpatuman na ang PNP og mga lakang sa ilang kaugalingong mga buhatan samtang gisiguro nga dili mapugngan ang serbisyo publiko. Giawhag usab ang publiko nga motaho dayon sa kapulisan kon makakita og mga kaso sa pagtipig og sobra nga suplay (hoarding) o dili makatarunganong pagsaka sa presyo sa mga palaliton.
Photo courtesy: wikimedia commons
