Magdugang og water filtration kit ang Department of Social Welfare and Development (DSWD) aron masiguro ang suplay sa limpyo ug luwas nga imnong tubig sa mga komunidad nga posibleng maapektuhan sa hulaw.
Matod ni DSWD Secretary Rex Gatchalian, nag-abli na ang ahensya og bidding aron makapalit og dugang nga mga water filtration kit. Gilaoman sab nga adunay duha hangtod tulo ka kompanya nga moapil sa proseso.
Gamiton sa pagpalit sa mga kit ang Quick Response Fund (QRF), ug ipang-apod-apod kini sa mga lugar nga gideklarar nga ubos sa state of calamity.
Matod pa ni Gatchalian, ang teknolohiya sa water filtration makahimo sa pagtangtang sa 99.99 porsiyento sa mga bakterya nga anaa sa tubig, lakip na ang mga hinungdan sa cholera, salmonella ug E. coli.
Photo Courtesy:DSWD
