Sikop ang usa ka mahuyang kinsa giila sa alyas “Christine,” 39-anyos nga residente sa trabahante sa usa ka karenderya sa Barangay Tipolo dakbayan sa Mandaue City, atol sa hot pursuit operation sa National Bureau of Investigation (NBI) Mandaue Field Unit human sa reklamo sa mga biktima.
Matud sa mga biktima, nagpaila ang suspek nga staff sa opisina ni Congresswoman Emmarie “Lolypop” Ouano-Dizon ug misaad nga motabang sa pagdool sa maong opisina alang sa pinansyal nga tabang sa ilang medical aron makadawat og guarantee letter, baylo sa salapi.
Apan, wala madawat sa mga biktima ang gisaad nga tabang, hinungdan nga ilang gireklamo ang suspek sa NBI. Giangkon sa suspek ang sala nga iyang gibuhat ug miingon nga nabuhat nausab niya kini niadto ug nagpaila nga staff ni congressman Edu Rama sa Cebu City South District.
Sa pagkakaron, anaa na sa kustodiya sa kapolisan sa Mandaue ang suspek ug giatubang ang posibleng kaso kalabot sa Republic Act 9485 o Anti-Red Tape Act, ug estafa.
Photo Courtesy: BTv
