Hugot nga gipatuman sa mga personahe sa Mati City Police Station ang seguridad sa Madang Public Terminal, merkado publiko ingon man sa mga importanteng establishemento sulod sa dakbayan sa Mati pinaagi na sa pagpalig-on sa ilang police visibility.
Ang maong kalihokan gipahigayon niadtong Hunyo 14, 2026, banda alas 7:40 sa buntag ug aktibong naglibot ang mga kapulisan sa maong mga dapit.
Tumong niini aron sa pagpugong sa posibleng kriminalidad, pagpalig-on sa presensya sa kapulisan sa komunidad, ug paghatag dayon og hinanaling aksyon o tabang ug kasiguruhan sa mga Matinians.
Samtang nagpahimangno usab ang mga otoridad ngadto sa publiko kabahin sa hustong pagsiguro sa ilang mga motorsiklo ug sakyanan pinaagi sa pag-lock niini ug paglikay sa pagbilin og mga bililhong gamit aron malikayan ang posibleng kawat.
Photo Courtesy: Mati CPS
