Nagmando ang International Criminal Court Trial Chamber III og bag-ong medical examination alang kang kanhi Presidente Rodrigo Duterte aron nga masuta kung kaya ba niini nga moatubang sa trial nga gikatakdang magsugod karung umaabot nga Nobyembre 30.
Sumala sa ICC nga ang maong lakang kabahin sa preparasyon sa korte sa wala pa ang gikatakdang trial proceedings kang Duterte. Dugang pa niini nga gikinahanglan ang maong medical assessment aron masiguro nga makahimo sila sa hustong pagdesisyon kabahin sa kahimtang ni Duterte.
Samtang daghan usab ang nag-ingon nga ang kanhi Presidente wala nay kapasidad nga moatubang sa maong trial, ug ang mga suporters ni Duterte mihangyo nga mas maayong buhian na lamang siya ug papaulion na sa Pilipinas.
Sa kasamtangan wala pa nagpagawas og dugang detalye ang kampo ni Duterte kabahin sa maong direktiba gikan sa International Criminal Court (ICC).
Photo Courtesy: Inquirer
