Gisiguro ni Task Force ORO Commander Colonel Manuel Estanilla nga hingpit nang andam ang mga pwersa sa Armed Forces of the Philippines (AFP) ug Philippine National Police (PNP) alang sa State of the City Address o SOCA ni Cagayan de Oro City Mayor Rolando “Klarex” Uy karong adlawa Hunyo 15, 2026 sa DVSoria Plaza.
Matod ni Estanilla, naplastar na ang komprehensibong security plan aron masiguro ang kaluwasan sa tanang motambong ug malikayan ang bisan unsang insidente atol sa kalihokan.
Gipasiugda usab sa opisyal ang lig-on nga kolaborasyon ug panagpartnership sa AFP, PNP ug uban pang mga ahensya sa gobyerno aron mapadayon ang malinawon ug hapsay nga pagdumala sa maong kalihokan.
Dugang niya, nagkahiusa ang mga pwersa sa seguridad sa pagpatuman sa mga lakang aron masiguro nga mahimong luwas ug malampuson ang State of the City Address sa mayor.
Gilauman nga daghang mga opisyal sa gobyerno, stakeholders ug mga lumulupyo sa dakbayan ang motambong sa maong kalihokan sa DVSoria Plaza karong adlawa.
Photo Courtesy: Cagayan de Oro Information Office
