Malampuson nga nadakpan sa San Miguel Municipal Police Station (MPS) ang usa ka high-profile fugitive atol sa joint operation niadtong Hunyo 8, 2026 sa Purok 6, Barangay Magroyong, San Miguel, Surigao del Sur.
Ang operasyon gihimo uban ang suporta sa Target Intelligence Packet gikan sa Regional Intelligence Unit 13 (RIU 13) ug Provincial Intelligence Team–Surigao del Sur (PIT-SDS), nga nagresulta sa pagdakop sa suspek nga nalista isip Top 7 Regional Level Most Wanted Person.
Giila ni PMAJ Joemel L. Maquiling, hepe sa San Miguel MPS, ang suspek sa alyas nga “Dino,” 57- anyos, minyo, mag-uuma, ug residente sa Purok 6, Brgy. Magroyong, San Miguel, Surigao del Sur.
Ang suspek gidakop tungod sa Warrant of Arrest alang sa kaso nga Qualified Rape ubos sa Criminal Case No. 9982-26-FC, nga walay girekomendar nga piyansa, nga gipagawas niadtong Abril 23, 2026.
Karon, ang nadakpan anaa na sa kustodiya sa San Miguel MPS alang sa dokumentasyon ug hustong disposisyon, ug igatugyan sa hukmanan sa hustong proseso sa balaod.
Photo courtesy: San Miguel MPS
