Pormal na nga nahuman ni Presidente Ferdinand Marcos Jr. ang iyang upat ka adlaw nga State Visit sa nasod sa Japan nga gihulagway niining “highly productive ug constructive”.
Sumala sa Presidente, mas gipalig-on pa sa maong pagbisita ang kapin kapitoan (70) ka tuig nga relasyon sa Pilipinas ug Japan, diin nagkasabot ang duha ka nasod nga isaka pa ang ilang relasyon padulong sa usa ka Comprehensive Strategic Partnership.
Lakip sa nahimong highlight sa biyahe mao ang pakigtagbo ni Marcos nila Emperor Naruhito ug Empress Masako, ingonman kang Japanese Prime Minister Sanae Takaichi.
Pinaagi niini nga biyahe, gipalapad sa duha ka nasud ang ilang kooperasyon sa natad sa depensa, enerhiya, artificial intelligence, pamatigayon, ug maritime security, dungan sa pag-anunsyo sa negosasyon alang sa General Security of Military Information Agreement o GSOMIA.
Gawas niini, malampusong nakuha sa Presidente ang mokabat sa US$3.4 bilyon nga investment pledges ug business opportunities gikan sa mga Japanese investors, nga gilaumang makamugnag kapin sa napulo ka libo (10,000) ka trabaho alang sa mga Pilipino.
