Kapin 40 ka tawo, lakip ang mga bata, ang gikataho nga namatay human sa usa ka kusog nga pagbusikad sa Northern Myanmar. Nahitabo ang maong trahedya sa may alas-12:00 sa udto sa Namhkam township, Shan State.
Sumala sa usa ka first responder sa dapit, mitala na sa 46 ang patay samtang kapin 70 usab ang naangol, apan laing rescuer ang nagbutyag nga posibleng misaka na ngadto sa 59 ka tawo ang kinatibuk-ang ihap sa mga nakalas.
Segon sa Ta’ang National Liberation Army (TNLA), usa ka inilang ethnic armed group sa nasod, ang pagbuto nonot sa usa ka “accidental detonation” o aksidenteng pag-ulbo sa mga gitipigang eksplosibo nga gigamit alang sa pagmina ug quarrying.
Gidugang sa TNLA nga ang maong mga pabuto gipanag-iya sa ilang economic department, ug sa kasamtangan, padayon pa nilang gisuta kon ngano ug giunsa kini pagbuto samtang wala pa’y pormal ug opisyal nga ihap sa mga biktima ang gipagawas.
Photo Courtesy: (AP/Palaung Land)
