I-deploy sa Department of Labor and Employment kun DOLE ang kapin 240,000 ka mga mamumuo aron motabang sa gikatakdang pag-abli sa mga eskwelahan alang sa School Year 2026-2027. Magsugod ang maong deployment karong adlawa, Hunyo 1, 2026, usa ka semana sa dili pa ang aktual nga pagsugod sa klase.
Matod ni DOLE Secretary Francis Tolentino, dad-on ang mga trabahante sa nagkalain-laing lugar aron motabang sa pag-ayo sa mga pasilidad, edipisyo, ug pagpanglimpyo sa palibot sa eskwelahan aron mamahimong hapsay ang pag-abli sa klase.
Moabot sa lima ka libo (5,000) ka mga eskwelahan ang target sa DOLE sa maong programa, nga naglangkob sa kapin sa duha ka gatos ug kwarenta ka libo (240,000) ka mga classrooms sa tibuok nasud.
Gipadayag ni Secretary Tolentino nga kini nga lakang ubos sa programang Tulong Panghanapbuhay sa Ating Displaced Workers o TUPAD sa DOLE diin, gawas nga matabangan ang mga tunghaan, mahatagan usab og dinalian nga panginabuhian kadtong mga displaced workers
Photo Courtesy: Deped.gov.ph
