Padayong gigunitan sa National Capital Region (NCR) ang ilang korona human makuha ang ika-19 nga sunod-sunod nga kampeonato sa Palarong Pambansa 2026 nga malampusong gihimo sa Agusan del Sur kunga sa pormal nang gitapos kagahapon, Domingo, Mayo 31, didto sa Datu Lipus Makapandong Cultural Center.
Mipakita og grabeng dominasyon ang NCR human misakmit og 91 ka bulawan, 71 ka silver ug 71 ka bronze, alang sa kinatibuk-ang 233 ka medalya nga miselyo kanila isip Overall Champion sa opisyal nga medal tally.
Misunod sa ikaduhang puwesto ang rehiyon sa Calabarzon nga nakakuha og 55 ka bulawan, 50 ka silver, ug 60 ka bronze alang sa kinatibuk-ang 165 ka medalya. Samtang, gisakmit sa Davao Region ang ikatulo nga dapit pinaagi sa pagbulsa og 34 ka bulawan, 32 ka silver, ug 34 sa bronseng medalya alang sa ilang delegasyon.
Dako nga pasidungog ug pagdayeg usab ang gipadangat ngadto sa tanang mga estudyanteng atleta gikan sa nagkadaiyang bahin sa nasod nga mipartisipar sa maong torneyo.
Ang ilang gipakitang dedikasyon, hugot nga pagbansay, ug mga sakripisyo maoy nahimong yawe sa ilang kalampusan ug nagsilbing dakong inspirasyon alang sa umaabot nga henerasyon sa mga atleta sa Pilipinas
Photo Courtesy: Agusan Del Sur – Palarong Pambansa 2026
