Andam buhaton sa aktor nga si Rayver Cruz ang tanan alang sa iyang hinigugma nga si Julie Anne San Jose. Sa usa ka bag-ong interbyu, gipadayag ni Rayver ang iyang tinuod ug dako nga gugma dili lang alang kang Julie kondili lakip na sa pamilya niini.
Matod sa aktor, padayon ang iyang pagpaningkamot aron maandam ang ilang kaugmaon isip magtiayon, ug masaligon siya nga si Julie na gayod ang babaye nga iyang gustong makauban hangtod sa kahangtoran.
Bisan pa man wala pa’y opisyal nga engagement ang duha, gibutyag ni Rayver nga padulong na sa seryosong yugto o kaminyoon ang ilang relasyon.
Sa pikas bahin, mipaambit usab si Julie Anne nga kon moabot na ang saktong panahon, mas gusto niya ang usa ka yano ug tradisyonal nga kasal nga selyohan uban sa ilang pamilya ug labing suod nga mga higala.
Tungod niini, padayon nga ginakilig ug gi-atngan sa ilang mga fans ang matag lakang sa magkasintahan, ilabi na nga nagkadaghan usab ang ilang mga dungan nga proyekto sa telebisyon ug musika karong tuiga
Photo Courtesy: Manila Standard
