Mingkanaog na isip legal counsel ni kanhi President Rodrigo Duterte sa International Criminal Court kon ICC si Atty. Nicholas Kaufman human ang iyang usa ka tuig nga kontrata niadtong Marso 31, 2026.
Sa gipasakang resignation ni Kaufman sa ICC penetsahan kagahapon Mayo 8, segon niini nga nasabotan niya ug ni Duterte nga tapuson na ang ilang professional engagement.
Nakapili na usab matud pa ang kanhi Presidente og bag-ong abogado nga mokupot sa iyang depensa sa gi-atubang nga kasong crimes against humanity kalabot sa kontrobernsyal nga ‘war on drugs’ sa iyang administrasyon.
Segon pa ni Kaufman, naka-estorya na niini ang bag-ong legal counsel ni Duterte ug gisiguro usab niini kuhaon gilayon ang kaso, lakip ang sunod nga pag-atubang sa pagtaral sa ICC nga gikatakda sa Mayo 27, 2026.
Gisiguro usab ni Kaufman nga adunay igo nga kasinati-an sa ICC ang mohulip nga legal counsel sa kanhi Presidente hinungdan nga dili ma-apektuhan o malangay ang dagan sa kaso ni Duterte.
Dungan sa pagkanaog niini, minghangyo usab si Atty. Kaufman og pormal nga pagtugot sa ICC aron maka-withdraw isip counsel, subay sa proseso ug regulasyon sa korte.via II Atty. Nicholas Kaufman
