Garbo sa Northern Mindanao ang gibuksan nga tourism destination sa Malitbog, Bukidnon nga Asian Paragliding Cross Country (XC) League 2026, nga gisugdan niadtong Mayo 5 hangtud 10, 2026, sa Barangay San Luis, Malitbog, Bukidnon.
Gibutyag ni Department of Tourism Regional Director Marie Elaine S. Unchuan, atol sa opening program kagahapon Mayo 6, 2026, nga usa na karon nga iladong sports tourism destination ang lungsod sa Malitbog tungod sa natural landscapes, favorable wind conditions, ug dakong potensyal alang sa world-class adventure site.
Sa maong kalihukan, mainiton nga gidawat ni Malitbog Municipal Mayor Gary Casiño ang tanang international paragliders ug gipanghinaut ang usa sa dili mahikalimtan nga flying experience sa world class pilots nga gikan sa Thailand, South Korea, Indonesia, Malaysia, India, Philippines, ug naa usab gikan sa USA.
Mapasigarbuhon sab si Provincial Governor Rogelio Neil Oneil Roque sa lain na usab nga world-class event venue nga nagpakita sa katahum sa Bukidnon.
Kauban ni Governor Roque sa maong higayon sila Congressman Jose Manuel Alba ug ang dinapit nga bisita nga si Deputy Speaker Maria Rachel Arenas
Photo Courtesy: LGU Bukidnon
