Gipadayag sa mga opisyal sa Bureau of Jail Management and Penology o BJMP-Surigao del Norte, atol sa pakighinabi sa Juander Radyo news Team, gihatagan og gibug-aton ni JO1 Kenny Roger C. Landero, Community Relations Service Unit sa BJPM-SDNDJ, ang ilang mga livelihood program ug mga lakang alang sa pag-atiman sa kahimsog sa pangisip sa mga persons deprived of liberty o PDLs.
Samtang gipaambit usab ni JO3 Glenford E. Forcadilla RN, Chief Health sa BJPM-SDNDJ, ang ilang padayon nga paghatag og pagtagad sa mga PDL nga nakasinati og depresyon ug uban pang mga problema sa pangisip aron malikayan ang pagrabe sa ilang kahimtang ug ang posibleng risgo sa paghikog.
Tumong niini nga mga programa nga dili lamang masiguro ang kaluwasan sa mga PDL sulod sa pasilidad, kondili matabangan usab sila nga makapalambo sa ilang kaugalingong kahanas, mapalig-on ang ilang pangisip, ug maandam sa ilang pagbalik sa katilingban.
Sa maong pagpakighinabi ana-a usab sila Newscaster/ Reporter KaJuander Josephine JoGalz Galito, ug Anchorman / Reporter KaJuander Mike Imbo, ilawom sa supervison ni Station Manager KaJuander Rolando Dungog.
Gipasiugda usab niini ang kamahinungdanon sa hustong suporta, paggiya, ug pag-atiman sa kahimsog sa pangisip sa mga persons deprived of liberty.
