Nakadawat og 1,200 ka seedlings ang lokal nga kagamhanan sa Socorro, Surigao del Norte, gikan sa usa ka mining company isip suporta sa pagpanalipod sa kinaiyahan ug pagpalambo sa mas lunhaw ug malungtarong kaugmaon.
Gipasalamatan sa Munisipyo sa Socorro ang maong mining company tungod sa maong donasyon nga makatampo sa mga paningkamot sa pagpreserbar ug pagpalambo sa kinaiyahan.
tumong sa maong inisyatiba ang pagdasig sa komunidad nga aktibong moapil sa pag-atiman sa kinaiyahan, ilabina pinaagi sa pagtanom og mga kahoy ug uban pang seedlings.
Pinaagi sa maong donasyon, gilauman nga madugangan ang mga paningkamot sa pagpalambo sa kinaiyahan ug pagdasig sa katawhan nga moapil sa mga kalihokan alang sa malungtarong kalamboan sa Socorro.
Gilauman usab nga pinaagi sa padayong pakigtambayayong sa pribadong sektor sama sa mga mining company, mas mapalapad ang mga programa sa pagpanalipod sa kinaiyahan ug mapalambo ang responsibilidad sa komunidad sa pag-atiman sa mga kahinguhaan sa kinaiyahan alang sa kaayohan sa umaabot nga mga henerasyon.
