Nagpagawas na og labor advisory ang Department of Labor and Employment (DOLE) isip giya sa pagbayad sa suhol sa mga empleyadong motrabaho panahon sa mga special non-working day sa Nobyembre 1 ug 2.
Base sa giya sa DOLE, ipatuman ang no work, no pay nga polisiya sa maong mga petsa, gawas kon adunay lahi nga kasabotan o polisiya ang kompanya, lakip ang anaa sa collective bargaining agreement.
Alang sa mga empleyadong motrabaho sa maong mga adlaw, makadawat sila og dugang 30 porsiyento sa ilang basic wage sa unang walo ka oras sa trabaho ug dugang 30 porsiyento usab ang bayad sa matag oras sa overtime.
Samtang, kon ang special non-working day motakdo sa regular nga adlaw sa pahulay sa empleyado, makadawat kini og dugang 50 porsiyento sa basic wage kon motrabaho. Dugang pa niini ang laing 30 porsiyento sa hourly rate alang sa overtime work atol sa maong rest day.
Photo courtesy:DOLE
