Gimando ni Pangulong Ferdinand Marcos Jr. sa Department of Trade and Industry (DTI) nga siguruhon ang kalig-on sa presyo sa mga nangunang panginahanglanon sa katawhan, ilabina sa panahon sa Super El Niño. Matud ni DTI Secretary Maria Cristina Roque, hugot ang mando sa Presidente nga bantayan ang presyo sa mga nag-unang paliton sa mga konsumante.
Lakip niini ang binotelyang tubig o bottled water, diin wala pa’y nakitang rason aron ipatuman ang price freeze tungod kay nagpabiling stable ang presyo niini ug sa ubang nangunang produkto.
Gipasabot usab ni Roque nga walay rason ang pag-hoard o pagtigom og daghang suplay sa mga nangunang produkto, tungod kay igo pa ang suplay niini sa merkado.
Padayon usab nga gibantayan sa gobyerno ang presyo ug suplay sa mga nangunang palaliton aron malikayan ang dili makatarunganong pagsaka sa presyo taliwala sa epekto sa El Niño.
Photo courtesy: PCO
