Nakadawat og 200 mil pesos nga insentibo gikan sa Department of Health (DOH) ang Barangay Health Workers (BHW) Association sa Manolo Fortich, Bukidnon human nakuha ang ikaduhang pwesto sa Regional Performance-Based Incentive Award sa tibuok rehiyon.
Sumala kang Municipal Health Nurse Katrina P. Tilap, ang maong kalampusan naggikan sa suporta sa lokal nga pangagamhanan ubos ni Mayor Rogelio N. Quiño ug sa dedikasyon sa mga BHW sa paghatag og serbisyo panglawas.
Lakip sa mga basihan sa pag-ila mao ang padayong pagbansay ug pagpauswag sa kahanas sa mga health worker, lakip na ang pagkuha sa Barangay Health Services NC II Certification gikan sa TESDA. Gipalig-on usab sa lungsod ang digitalization sa serbisyong panglawas pinaagi sa paggamit og electronic medical records ug mga tablet sa mga barangay aron mas mapadali ang pagtipig sa rekord sa mga pasyente.
Hisayrang ang nadawat nga insentibo gamiton alang sa dugang mga programa ug pasilidad nga makatabang sa pagpauswag sa serbisyo panglawas sa maong lungsod.
Photo courtesy: LGU Manolo Fortich
