Mokabat sa 67 ka Persons Deprived of Liberty (PDL) ang naka-avail sa voter satellite registration nga gipahigayon sa Commission on Elections Malaybalay City sa Bukidnon Provincial Detention and Rehabilitation Center (PDRC), Bag-ong PDRC Bukidnon.
Kini nga inisyatiba nahimong kabahin sa pasalig sa gobyerno sa pagsuporta sa katungod sa konstitusyon sa matag kuwalipikadong Filipino nga lungsoranon sa pag-apil sa demokratikong proseso, lakip ang mga indibidwal ubos sa custodial care.
Pinaagi sa hiniusang paningkamot sa pamunuan sa Bukidnon Pdrc ug COMELEC Malaybalay City, nahatagan ug kahigayonan ang mga kwalipikadong PsDL nga makaparehistro ug makapangandam sa paggamit sa ilang katungod sa pagbotar sa umaabot nga piniliay.
Nagtimaan ang malampuson nga pagpahigayon sa satellite registration sa laing mahinungdanong lakang sa pagpasiugda sa inclusivity, rehabilitation, ug civic engagement sa PsDL. Gisiguro usab niini nga ang mga kwalipikado nga PsDL magpabilin nga aktibo nga mga partisipante sa pagtukod sa nasud bisan pa sa ilang mga kahimtang karon.
Laing batch sa PsDL ang gipaabot nga mogamit sa ilang katungod sa pagboto sa umaabot nga piniliay.
Nagpabilin ang Bukidnon Provincial Detention and Rehabilitation Center nga komitado sa pagsuporta sa mga programa nga nagpasiugda sa kaayohan, katungod, ug reintegrasyon sa mga Persons Deprived of Liberty ngadto sa katilingban.
Photo Courtesy: Bukidnon PDRC
