Makasubo apan dakong pagtulun-an ang nahitabong pagpangduslak sa usa ka Grade 6 students nga nakaangol sa lain pang estudyante sa Macabalan Elementary School, Parola, Macabalan, Cagayan de Oro City bag-uhay lang.
Sumala pa ni Major Emilita Simon, tigpamaba sa Cagayan de Oro City Police Station nga taliwala sa hugot nga koordinasyon sa Barangay Macabalan, sa pamunuan sa eskwehalan ug sa Student Parent Teacher Association, nahitabo pa gihapon ang wala damhan nga insidente.
Ginalantaw sa kapulisan nga isolated case lamang ang nahitabo apan hugot gihapon nila kining gitutukan aron masiguro ang kaayuhan sa duha ka mga nalambigit nga kabataan.
Gipahinumduman sab ni Major Simon ang tanan nga ang pagprotekta sa mga bata, trabaho sa tanan ug sa komunidad.
Dugang gihatagan og gibug-aton sa opisyal nga kini nga insidente naghatag og gibug-aton sa grabe nga epekto sa bullying sa emosyonal ug mental nga kaayohan sa mga estudyante. Walay bisan kinsa nga bata ang angay nga mobati nga dili luwas sa tunghaan.
Photo courtesy: PNP Cagayan de Oro City Police Office
