Nakadawat sa pay out ubos sa Tulong Panghanapbuhay sa Ating Disadvantaged/Displaced Workers o TUPAD Program sa Department of Labor and Employment (DOLE) ang 19 ka benepisyaryo nga gilangkuban sa 16 ka Persons Deprived of Liberty (PDL) ug tulo ka kanhing PDL sa Bislig City Jail.
Gipahigayon ang pay out niadtong nakalabayng adlaw, ubos sa pagdumala sa Bislig City Jail nga gipangulohan ni JINSP Isidro T. Logronio Jr. Ang maong mga benepisyaryo nakakompleto sa 15 ka adlaw nga trabaho gikan sa Septiyembre 25 hangtod Oktubre 8, 2026.
Tumong sa programa ang paghatag og temporaryong trabaho ug pinansyal nga tabang sa mga benepisyaryo, lakip na ang pagdasig kanila nga mahimong produktibo ug maandam pag-usab sa pagbalik sa komunidad.
Photo courtesy: Bislig City Jail
