Misalmot ang Land Transportation Franchising and Regulatory Board (LTFRB) Region XI sa Arena XI: Inter-Agency Sportsfest 2026 nga opisyal nga giablihan niadtong nakalabay nga adlaw.
Tumong sa kalihokan nga palig-onon ang panaghiusa, maayong panglawas ug sportsmanship sa mga kawani sa nagkadaiyang ahensiya sa gobyerno sa rehiyon.
Ubos sa pagpangulo ni Regional Director Nonito A. Llanos III, aktibong miapil ang Team LTFRB XI sa nagkadaiyang kalihokan, lakip ang TikTok Dance Competition atol sa opening ceremony ug ang Pickleball Tournament niadtong Oktubre 14.
Pinaagi sa sports, gipasiugda ang disiplina, panagtinabangay ug maayong relasyon sa mga kawani sa gobyerno. Nahiuyon ang maong kalihokan sa panawagan sa administrasyon ni Presidente Ferdinand R. Marcos Jr., pinaagi sa Department of Transportation (DOTr) ug LTFRB, nga palamboon ang kahimsog ug kaayohan sa mga empleyado sa gobyerno.
Gilaoman usab nga ang panaghiusa nga mapalambo pinaagi sa sports makatabang sa mas lig-on nga kooperasyon ug maayong pagdumala sa serbisyo publiko.
Photo Courtesy: LTFRB Region XI – Davao
