Gikatakdang mopahigayon og imbestigasyon ang Senado kalabot sa padayon nga pagsaka sa presyo sa bugas ug uban pang produkto sa agrikultura, subay sa posibleng manipulasyon sa lokal nga merkado og mga nag-unang palaliton.
Sa usa ka Press Conference, gihatagan og gibug-aton ni Senador Sherwin Gatchalian, chairman sa Senate Committee on Ways and Means, ang panginahanglanong pag-imbestiga sa mga talagsaong lihok sa presyo sa mga palaliton, hilabina ang sayo nga pagsaka sa presyo sa bugas.
Sumala ni Gatchalian, adunay pagduda nga adunay mga market players nga gipahimuslan ang sitwasyon aron magsaka og presyo sa bugas. Pag-insistar sa senador, direktang naapektuhan sa pagsaka sa presyo sa bugas ang mga pamilyang Pilipino.
Gipasabot usab ni Gatchalian, nga dili angay magpasaka gilayon og presyo sa pipila ka mahinungdanong butang sama sa fertilizer cost, tungod kasagaran mogawas ang epekto niini panahon pa sa ting-ani kansa gilaoman sa buwan sa Hunyo o Hulyo.
Gisugyot usab sa senador nga posibleng pangunahan sa Senate Committee on Agriculture nga gipangulohan ni Senador Francis Pangilinan ang maong imbestigasyon.
Photo Courtesy: PNA
