Nanguna ang lungsod sa Molave sa mga munisipalidad sa Zamboanga del Sur isip Best Implementer sa Expanded Centenarian Act (ECA) alang sa tuig 2026. Kini subay sa gipagawas nga datos sa National Commission of Senior Citizens (NCSC) Region 9 ubos sa pagpanguna ni Regional Director Fernando Sumondong.
Gihatag ang maong pag-ila niadtong Oktubre 9, 2026, atol sa culmination activity sa Elderly Filipino Week nga gipahigayon sa Provincial Capitol sa Zamboanga Sibugay.
Ang Expanded Centenarian Act naghatag og dugang nga benepisyo ug pag-ila sa mga senior citizen nga nakaabot sa piho nga mga edad, subay sa mga probisyon sa balaod.
