Giusab sa Department of Education (DEPED) Region 9 ang kwalipikasyon alang sa posisyon nga Guidance Counselor ug gihimong Guidance Associate aron mapunuan ang mga bakanteng posisyon nga gitagana sa matag pampublikong tulunghaan.
Matud ni DEPED 9 Regional Director, ilang gipaubos ang kwalipikasyon alang sa maong mga item aron daghan ang mahimong mo-qualify sa kapin 1000 nga bag-ong gipagawas nga item alang sa maong posisyon.
Gi-angkon ni RD Firmo, sa nakalabayng tuig adunay nakatagana nga kapin sa 800 ka mga item alang sa Guidance Counselor apan anaa lang sa 20 ang napunuan gumikan daghan ang dili mo-qualiffy sa gipangita nga standard sa maong posisyon.
Human napaubsan ang kwalipikasyon sa maong posisyon, malaumon si RD Firmo nga mas mapun-an ang mga bakanteng Guidance Associate item sa mga pampublikong tulunghaan ug mapalapdan pa ang pagsuporta sa mga estudyante sa tibuok rehiyon 9.
