Patay ang usa ka lalaki human dunggab gamit ang haunting knife pasado alas 5:54 sa buntag didto sa Barangay Bonga, Motiong, Samar, niadtong nakalabay nga adlaw.
Giila ang biktima sa alyas “Wil,” hamtong na ang pangidaron, mag-uuma, adunay kapuyo diin ang giingong suspek naman sa krimen giila sa alyas “Arman,” 44 anyos, minyo ug mag-uuma, nga parehong residente Barangay Bonga, Motiong, Samar.
Base sa inisyal nga imbestigasyon sa kapulisan, nagkalalis ang duha indibidwal nga hangtod sa dihang tubagon na unta sa biktima ang suspek, mikuha kini og hinagiban dayon gidunggab ang biktima sa tuo nga bahin sa tiyan, nga maoy hinungdan sa iyang hinanaling kamatayon.
Human sa insidente, naka-amgo ug pagbasol ang suspek ug mitahan naman dayon ngadto sa usa ka opisyal sa barangay aron itugyan ang iyang kaugalingon sa mga awtoridad. Nakigkoordinar dayon ang Motiong Municipal Police Station sa SOCO team alang sa pagproseso sa nahitaboan sa krimen ug padayon pa usab lawom nga imbestigasyon ron matino ang utlanan sa maong panghitabo.
Sa pagkakaron, anaa na sa kustodiya sa Mtoing Municipal Police Station ang nasangpit nga suspetsado alang sa tukmang dukomentasyon ug disposasyon. Samtang ang patayng lawas naman sa biktima, gidala na punerarya alang sa pag-embalsamo niini dayon kini iuli sa hitungdang pamilya sa biktima.
