Giaksyonan na sa lokal nga Panggamhanan sa A lbuera ang dugay nang hangyo sa mga residente sa Sitio Gungab, Barangay Poblacion bahin sa pag-ayo ug pagpanindot sa ilang karsada. Gipadayag ni Mayor Rolan Kerwin Espinosa nga gipatrabaho na ang maong karsada aron mas mahimong hapsay ug luwas ang pag-agi sa mga lumulupyo ug sa mga pampublikong sakyanan.
Matud pa sa alkalde, makig-alayon usab ang lokal nga kagamhanan sa Leyte Electric Cooperative (LEYECO) aron ipabalhin ang duha ka poste sa kuryente nga kasamtangang nag barog ug nakababag sa agianan duol sa bahin sa Catayger. Gipasalig sa alkalde nga padayon nga lihokon ang maong proyekto alang sa kaayohan ug kalambuan sa tanang lomolupyo sa Sitio Gungab.
Photo courtesy: Wikipedia
