Gimonitor sa World Health Organization ang mga pasaherong sakay sa eroplano gikan Saint Helena paingon sa Johannesburg human malambigit sa insidente nga may kalabotan sa pagkamatay sa usa ka cruise ship passenger tungod sa hantavirus.
Sumala pa sa report, ang Airlink nga flight nga nakabase sa South Africa adunay 82 ka pasahero ug 6 ka crew niadtong Abril 25.
Lakip sa mga pasahero ang usa ka Dutch nga babaye nga ang asawa usab namatay tungod sa parehas nga virus, ug giingon sa WHO nga misamot ang iyang kondisyon samtang nagbiyahe paingon sa Johannesburg.
Nauna nga ni-landing ang maong pasahero sa Saint Helena niadtong Abril 24 human makasinati og sintomas sa gastrointestinal, apan sa pag-abot sa ospital sa Johannesburg, siya namatay ug nakumpirma nga positibo sa hantavirus.
Dugang pa niini, gipahimangnoan sa mga otoridad sa South Africa ang airline nga abisuhan ang tanang pasahero aron makig-alayon dayon sa ilang health department, samtang giimbestigahan pa ang posibleng transmission sa cruise ship nga naa duol sa Cape Verde.
Sa kasamtangan, laing German passenger usab ang namatay, ug sumala sa WHO, sa pagkakaron adunay pito ka kumpirmado ug posibleng kaso nga may kalabotan sa maong insidente
Photo Courtesy: Getty Images
