Dakpan sa mga personahe sa Drug Enforcement Unit (DEU) sa San Isidro Municipal Police Station ang usa ka 36-anyos nga lalaki nga giila sa alyas nga “Part” atol sa buy-bust operation niadtong nakalabay nga adlaw, sa Purok Sto. Niño, Barangay Batobato, San Isidro, Davao Oriental.
Ang suspek, minyo, walay trabaho ug residente sa maong barangay, giingong nalambigit sa ilegal nga droga. Gipangulohan ang operasyon ni PMAJ Sthamoel T. Dujali, Acting Chief of Police, ubos sa koordinasyon sa Philippine Drug Enforcement Agency (PDEA) Region 11.
Narekober sa operasyon ang duha ka heat-sealed plastic sachet nga adunay puti nga mala-kristal nga substansiya nga gituohang shabu, nga adunay gross weight nga 0.051 gramos ug 0.028 gramos. Nakuha usab ang usa ka puting papel, usa ka tinuod nga ₱500 nga kuwarta nga gigamit isip buy-bust money, ug duha ka lighter nga kolor asul ug berde. Sumala sa inisyal nga report, mokabat sa ₱6,800 ang gibanabanang kantidad sa nakumpiskang ilegal nga droga, apan maghulat pa sa resulta sa laboratory examination aron makumpirma ang eksaktong pagkakilanlan sa substansiya.
Gimarkahan ug gi-imbentaryo sa mga otoridad ang mga nakumpiskang ebidensya sa lugar sa operasyon, uban sa presensya sa suspek ug tulo ka insulating witness, subay sa gitakdang pamaagi sa balaod.
Photo courtesy: San Isidro MPS
