Nakurat ang pipila ka netizens human nagpakita nga adunay funeral ceremony alang sa komedyanteng si Ate Gay, bisan buhi pa kini. Apan sumala sa iyang mga higala, ang maong kalihokan gitawag og “living funeral,” diin gihatagan siya og higayon nga madungog ang mga mensahe sa mga tawo nga importante sa iyang kinabuhi samtang ania pa siya.
Matod ni Ate Gay, adunay kaniadto misulti kaniya nga dili na kuno siya makaabot sa tuig 2026. Tungod niini, nakahunahuna siya nga magpahigayon og living funeral aron madungog mismo ang mga mensahe, gugma ug pagpasalamat sa iyang mga higala ug minahal, imbes nga hulaton pa ang panahon nga wala na siya.
Pinaagi sa maong kalihokan, gipili ni Ate Gay nga paminawon samtang buhi pa siya ang mga pulong nga kasagaran madungog lamang sa mga lubong. Ang maong panghitabo nahimong hilisgutan sa social media tungod sa talagsaon nga paagi sa pagpakita sa gugma ug paghatag og bili sa usa ka tawo samtang ania pa siya
Photo courtersy: Ate Gay/FB
