Nagkahiusa ang mga personahe sa BFP-Caraga Fire Station ug 66th Infantry Battalion sa Philippine Army sa pagpahigayon ug Community Outreach Activity sa Payag Elementary School, Lamiawan, Caraga, Davao Oriental niadtong milabay nga adlaw.
Ang maong lugar giklasipikar isip usa ka Geographically Isolated and Disadvantaged Area (GIDA), diin limitado ang komunidad sa pag- access sa mga programa. Sa kalihokan gihimo ang usa ka sesyon sa Public Fire Education (PFE), diin gipaambit sa mga personahe ang mga praktikal nga tip sa kaluwasan batok sa sunog sa paagi nga makalingaw ug haom alang sa mga bata.
Gitudloan usab ang mga partisipante sa mga pamaagi sa pagpugong sa sunog sa kusina, ilabina ang hustong paggamit sa fire extinguisher gamit ang “PASS” technique ingon man “Bucket Relay”. Human niini, ang grupo nanghatag og mga gamit sa eskwelahan, mga libro, mga meryenda ingon man “Libreng Gupit”.
Samtang gipasalig sa mga uniformed personnel nga padayon ang ilang paghatag ug serbisyo ug programa alang sa kaayohan sa tanan ilabina sa mga anaa sa hilit nga komunidad.
Photo courtesy: Caraga Fire Station
