Nagpahigayon ang Munisipyo sa Manay ug Municipal Moral Recovery Program ug Thanksgiving Day Celebration aron ipasiugda ang pagpasalamat, panaghiusa ug pagpalig-on sa maayong pamatasan sa komunidad niadtong nilabay’ng adlaw.
Tumong sa maong kalihokan nga mapalambo ang positibong panglantaw, pagtahod, kalooy ug espiritu sa pagserbisyo sa isigkatawo.
Gihatagan usab og gibug-aton ang kamahinungdanon sa moral recovery sa pagtukod og malinawon, responsable ug lig-on sa mga prinsipyo nga katilingban. Pinaagi sa maong selebrasyon, giila ang hiniusang paningkamot sa mga indibidwal ug nagkadaiyang sektor sa pagpalambo sa integridad, disiplina ug panaghiusa.
Gidasig usab ang tanan nga magpadayon sa pagpakita og gugma ug pagtahod sa isigkatawo alang sa kaayohan sa komunidad.
Photo courtesy: wikipedia
