Boluntaryong gisurender sa wala nagpailang residente sa Brgy. San Jose, Caraga, Davao Oriental, ang usa ka unit sa armas ngadto sa Barangay Kagawad sa maong lugar pasado alas 5:40 sa hapon niadtong milabay nga adlaw.
Sumala sa report sa Caraga Municipal Police Station, ang nahisgutang Barangay Kagawad miturn-over usab sa maong armas nga mas nailhan sa tawag nga Bukakang nga walay serial number.
Gidawat kini ni PSSg Jilbert Panangcad, Intel Operative sa Caraga Municipal Police Station, uban ang mga personahe gikan sa RPSB Cluster 7. Sa pagkakaron ang maong armas anaa na sa kustodiya sa kapulisan alang sa tukmang disposisyon.
Samtang gidasig sa Caraga Municipal Police Station ang publiko nga dayong isurender ang mga armas nga walay igong dokumento aron masiguro ang kaluwasan ug seguridad sa komunidad.
Photo courtesy: Caraga MPS
