Nasikop sa mga personahe sa Police Station 16 Ma-a ang usa ka indibidwal atol sa gilusad nga drug buy bust operation didto sa Purok 27, Barangay Ma-a, dakbayan sa Davao pasado alas 7:30 sa milabay nga gabii.
Ubos sa pagpangulo ni PMAJ PHILIP DAVE A. UDDIN, Station Commander, nasikop ang suspek nga si alyas “PEPOY”—nga giila nga usa ka High-Value Individual (HVI) ug balik-balik na nga naaresto tungod sa krimen. Ang suspetsado nakuhaan ug duha ka pakete sa gituohang shabu, nga gibanabanang adunay Standard Drug Price (SDP) nga PHP 17,000.00. Human sa pagdakop gipahibalo dayon kini sa iyang mga katungod pinaagi na sa pinulongan nga iyang nasabtan ug nahibal-an.
Sa kasamtangan ang dinakpan anaa na sa kustodiya sa Police Station 16 Ma-a ug mag-atubang og mga kaso tungod sa paglapas sa Republic Act No. 9165 kun Comprehensive Dangerous Drugs Act of 2002.
Samtang nagpabilin usab nga lig-on ang kapulisan sa ilang pasalig nga pakusgon pa ang mga operasyon batok sa ilegal nga droga, aron masiguro ang mas luwas ug gawasnon-sa-droga nga komunidad.
Photo courtesy: Police Station 16 Ma-a
