Nakadawat og hybrid rice seeds ug inorganic fertilizer ang mga rehistradong mag-uuma sa Barangay Alahag, Barangay Sta. Cruz ug Barangay Batug sa Jaro, Leyte pinaagi sa Municipal Agriculture Office.
Lakip sa mga abono nga gipang-apod-apod ang Ammonium Sulphate Fertilizer, Complete Fertilizer ug Humi N+ Fertilizer nga gitagana aron makatabang sa pagpauswag sa produksyon sa humay ug pagpalambo sa katambok sa yuta.
Ang maong mga tabang pang-agrikultura gihatag sa Department of Agriculture ubos sa Masagana Rice Industry Development Program (MRIDP) aron masuportahan ang mga mag-uuma sa pagpalambo sa ilang produksyon ug pagpausbaw sa abot sa humay.
Pinaagi sa maong programa, gilaoman nga mapalambo ang produktibidad sa sektor sa humay ug matabangan ang mga mag-uuma nga makab-ot ang mas maayong ani sa ilang mga uma.
Photo courtesy: Jaro Leyte Municipal Agriculture Office
