Opisyal nang nanumpa si Julie A. Pernites isip bag-ong Punong Barangay sa Magugpo North, Tagum City atol sa seremonyas nga gipahigayon sa Tagum City Hall niadtong nakalabay nga adlaw.
Gipangunahan kini ni Tagum City Mayor Rey T. Uy alang sa pagpahigayon sa panumpa ni Pernites nga mipuli sa kanhi Punong Barangay Wilfredo D. Rosal, kinsa mipanaw na ning bag-ohay lang.
Gilauman nga ipadayon ni Pernites ang mga programa ug serbisyo sa barangay, ilabina ang mga inisyatiba nga nagtumong sa kaayohan ug kalamboan sa mga residente niini.
Dugang pa nga ang iyang paglingkod isip bag-ong Punong Barangay nagtimaan sa pagpadayon sa pagpangulo ug pagserbisyo alang sa komunidad.
Photo Courtesy: City Government of Tagum
