Nakigkita si Presidente Ferdinand R. Marcos Jr. kang Sheikh Joaan bin Hamad Al-Thani, Presidente sa Olympic Council of Asia (OCA) ug Qatar Olympic Committee, atol sa courtesy call niini sa Malacañang niadtong Biyernes, Mayo 1, 2026.
Gihisgutan sa duha ka lider ang pagpalig-on sa kooperasyon sa sports development, lakip ang training sa mga atleta, institutional collaboration, ug kahigayonan nga mahimong host ang Pilipinas sa umaabot nga regional ug international nga kompetisyon.
Gipasiugda usab sa duha ka panig ang kahinungdanon sa mas lawom nga pakiglambigit sa Olympic Council of Asia aron mapalapdan ang access sa mga programa ug kahinguhaan alang sa mga atletang Pilipino.
Sumala sa Presidential Communications Office, nagpakita kini sa lig-on nga pagsalig sa Pilipinas isip kasaligan nga partner sa pagpauswag sa sports excellence ug regional cooperation.
Photo Courtesy: PNA
