Girekomenda sa National Buruea of Investigation (NBI) ang pagpasaka og 3 counts nga grave threat ug usa ka inciting to sedition batok kay Vice President Sara Duterte.
Kini human sa pagpanghulga kuno sa bise ngadto kang Pangulong Ferdinand Marcos Jr., First Lady Liza Marcos, ug kang kanhi House Speaker Martin Romualdez.
Wala gidawat sa NBI ang eksplanasyon sa Bise Presidente nga “conditional” lamang ang maong threat to kill. Sumala sa NBI, klaro ang konteksto sa iyang pamahayag sa Bise Presidente nga aduna kini intensyon nga seryosong pagpanghulga.
Gawas pa niiini, girekomenda sab sa ahensya ang kasong inciting to sedition nga may kalabutan sa pahayag ni VP Sara Duterte niadtong Oktubre ug Nobyembre 2024 sa usa ka online press briefing, kung asa iyang gibutyag ang kalagot sa gobyerno ug sa mga opisyal niini.
Sumala sab sa mga pipila ka miyembro sa House Committee on Justice, mamahimong importante ang ebidensiya sa affidavit sa NBI sa impeachment proceedings batok kang VP Sara.
Sa pagkakaron, wala pay opisyal nga pamahayag ang Office of the Vice President labot sa girekomendasyon sa NBI.
Photo Courtesy: Asia News Network
