Patay ang usa ka back rider sa motorsiklo human malambigit sa disgrasya sa may Zone-3, Sayre Highway, Barangay Pat-pat, Malaybalay City Abril 30, 2026
Naglangkob sa aksidenti ang Suzuki Double Cab, kolor Green, gimaneho sa 36-anyos, nga lalaki residente sa Zone-4, Binuangan, Misamis Oriental batok sa Kawasaki, BAJA 100, color Black/bue, rehistrado ug gimaneho sa 20 anyos nga lalaki, kinsa naobserbahan nga ubos sa impluwensya sa ilimnong makahubog, walay driver license, walay helmet, walay OR/CR; ug unit sa Toyota Avanza, kolor Black Mettalic, nagdala sa plate No. IAE7541, rehistrado ug gimaneho sa 40 anyos, residente sa Johndorf Subd., Barrra, Opol, Misamis Oriental.
Base sa imbestigasyon sa kapolisan, ang Suzuki Double Cab pick-up, ug ang motorsiklo parehong nagsubay sa dalan paingon syudad sa Cagayan de Oro, samtang ang Toyota Avanza, nagdagan paingun sa sentrong bahin syudad sa Malaybalay. Giingong ang pick-up cab mihunong aron sa paghatag lugar sa usa ka multicab nga nag-una nga moliko sa pawala nga bahin.
Sa dihang paabante na kini nasideswiped ang wala nga bahin sa nagsunod nga motorsiklo ug tungod sa kusog nga impact ang motorsiklo mipadulong ngadto sa pikas linya kasugat sa Toyota Avanza ug maayong pagkabangga sa atubangan, hinungdan ang driver ug backrider sa motorsiklo nangalagpot ug nakaangkon ug grabeng samad sa kalawasan nga pulos gipangdala sa hospital aron matambalan apan ang backrider sa motor gideklarang dead on arrival.
Sa karon nahimutang sa buhatan sa kapulisan sa Malaybalay ang tanang nalambigit nga sakyanan alang sa tukmang disposisyon samtang ang driver sa motorsiklo gipaubos sa hospital arrest
Photo Courtesy: Malaybalay City Police Station
