Makadawat og cash gift ang 100-anyos nga centenarian nga si Tatay Medelio gikan sa Barangay Mantibugao Manolo Fortich Bukidnon isip pag-ila sa iyang taas nga kinabuhi ug kontribusyon sa komunidad.
Kini ang gipadayag ni Raquel Cenia – focal person on women sa MSWDO Manolo Fortich diin ang maong centenarian nakadawat sa ₱50,000 gikan sa Provincial Government sa Bukidnon ubos sa inisyatibo ni Gobernador Rogelio Neil Roque, isip cash assistance kabahin sa programa sa gobyerno para sa mga katigulangan.
Gipaabot usab ang ₱100,000 gikan sa National Government ug ang dugang suporta ₱25,000 gikan sa lokal nga LGU-Manolo Fortich
Sa kinatibuk-an, ang centenarian makadawat og ₱175,000 gikan sa tulo ka lebel sa gobyerno
Giklaro sa report nga ang nadawat karon mao pa lamang ang provincial share, aron malikayan ang kalibog sa publiko bahin sa kantidad nga gipagawas sa nasudnong panggamhanan.
Nagpakita ang maong programa sa koordinasyon sa national, provincial, ug local nga gobyerno sa paghatag pasidungog ug suporta sa mga senior citizens sa Bukidnon
Photo Courtesy: LGU Manolo Fortich
