Gipadayag sa usa ka senior official sa Trump administration nga tinood nga “terminated” na ang giyera tali sa Amerika ug Iran bisan pa wala pa maabot ang deadline kagahapon Biyernes, Mayo 1, para sa pag-apruba sa US Congress sa giyera.
Sumala pa sa opisyal, ubos sa War Powers Resolution, adunay hangyo nga maghimo si US President Donald Trump hangtod karong Biyernes aron mangayo og congressional authorization para ipadayon ang giyera o tapuson na kini, ug adunay opsyon nga palungtaron ang deadline og dugang 30 ka adlaw.
Lakip sa gihisgutan sa opisyal nga dili gustong ipadayag ang ngalan, ang giyera nga nagsugod niadtong Pebrero 28 tali sa Amerika ug Iran tungod kay gikonsiderar kini tungod sa gipatuman nga ceasefire.
Dugang pa niini, giingon nga ang mga atake nga gi-execute sa duha ka nasud nagtapos na human magsugod ang ceasefire niadtong Abril 7, ug gipalawig pa kini hangtod karon.
Sa pagkakaron, nagpabilin ang kalinaw tali sa duha ka nasud uban ang pag-aplikar sa ceasefire, ug wala nay nagpabiling atake gikan sa duha ka partido
Sumala sa Democrat sa Senate Foreign Relations Committee, ang gubat sa Middle East milapas na sa 60 ka adlaw ug ang Presidente sa US nga si Donald Trump kinahanglan adunay klaro nga plano kung unsaon kini pagtapos.
Photo Courtesy: Reuters
