Andam na ang mga top elite ug promising junior triathletes sa Pilipinas alang sa 2026 Asia Triathlon Cup Subic Bay nga ipahigayon sa Subic Bay Freeport Zone karong Mayo 2 ug 3.
Sa Elite category nga ipahigayon karong Domingo, manguna sa kampanya sa Pilipinas sila Dayshaun Ramos, Kim Andrew Remolino, Matthew Justine Hermosa, Joshua Ramos, ug beteranong si John Chicano. Makigkompetensya sila batok kang defending champion Takuto Oshima sa Japan ug runner-up Daryn Konysbayev sa Kazakhstan.
Sa women’s division, pangunahan nila Faith Raven Alcoseba ug Erika Burgos ang hanay sa mga Pinay, uban nila sila Samantha Corpuz ug Nicole Del Rosario. Makigkompetensya usab sila batok kang defending champion Manami Hayashi ug bronze medalist nga si Hye Rim Jeong.
Samtang sa Junior category karong Sabado, makigkompetensya ang mga lokal nga atleta lakip sila Darell Bada ug Euan Andrew Ramos batok sa international contenders nga gipangulohan nila Ramazan Ainegov ug Alua Nurmuhamet.
Ang maong kalihokan, nga gi-organisa sa Triathlon Philippines uban ang Subic Bay Metropolitan Authority, kabahin sa Asia Triathlon Cup series ug importante aron makatigom og world ranking points ug international exposure
Photo Courtesy: PNA
