Gipasundayag sa pipila ka lugar sa Turkey ang mga tinuod nga gubang sakyanan nga nalambigit sa aksidente, isip paalaala sa mga drayber sa posibleng resulta sa paglapas sa balaod sa trapiko.
Sa hulagway nga mikatap online, gipakita ang usa ka wasak nga kotse nga gibutang ibabaw sa poste uban sa traffic sign, nga klarong mensahe sa peligro sa pagpasagad sa lagda sa dalan.
Sumala sa impormasyon, dili kini mga replika kondili aktwal nga mga sakyanan nga naaksidente tungod sa paglapas sa traffic rules.
Gitumong sa maong pamaagi sa gobyerno ang pagpakunhod sa padayon nga pagtaas sa disgrasya ug kamatayon sa kalsada kada tuig.
Sa kinatibuk-an, naghatag kini og kusog nga pahimangno sa mga motorista nga ang dili pagsunod sa balaod mahimong mosangpot sa grabeng kadaot o pagkawala sa kinabuhi.
Photo Courtesy:AV Facts
