Gipahigayon ang mga lihok-protesta ug rally ang nagkadaiyang grupo sa mga empleyado sa tibuok nasud niadtong Labor Day 2026, nga nanawagan og mas taas nga sweldo, kasiguruhan sa trabaho, ug dugang pa nga benepisyo.
Sa Parañaque, kapin sa 300 ka mga trabahante ang nagtigom aron ipadayag ang ilang pangayo nga ₱1,200 nga adlawang sweldo ug dugang nga ₱200 nga umento, ilabi na tungod sa padayon nga pagsaka sa presyo sa mga palaliton.
Sa dakbayan sa Maynila, liboan ka mga raliyista ang nagmartsa padulong sa Mendiola ug Welcome Rotonda, nga hinungdan sa hinay nga dagan sa trapiko sa maong mga lugar.
Samtang nagpadayon ang mga protesta, naka-full alert ang kapulisan lakip ang QCPD aron masiguro ang kalinaw ug kahapsay sa sitwasyon.
Kahinumduman, natakda ang maong panagtapok pinaagi sa Kamanggagawa Party-list ayha ang Labor Day human wala sila gitagad ug tarong atol sa hearing batok sa DevDep.
Photo Courtesy : Net 25
