Nakadawat og daghang pasidungog ang mga programa ug artista sa ABS-CBN atol sa ika-7 nga Village Pipol Choice Awards human sila modomina sa nagkadaiyang fan-voted categories.
Lakip sa nakakuha og dakong pag-ila ang TV Patrol nga midaog isip “News Program of the Year,” nga nagpakita sa padayon nga pagsalig ug suporta sa mga manan-aw sa ilang paghatag og balita ug impormasyon.
Gidawat ni Ariel Rojas ang maong award ug iyang gipahinungod ang kadaugan sa tanang mga tawo nga nagtrabaho sa likod sa kamera nga walay undang nga nagpaningkamot aron makahatag og kalidad nga serbisyo sa publiko.
Nagpakita usab kini nga padayon nga gina-appreciate sa mga Pilipino ang mga programa ug personalidad sa Kapamilya network, ilabi na ang ilang kontribusyon sa balita ug kalingawan nga nakaabot sa daghang manan-aw sa tibuok nasod.
