Gipahigayon ang unang miting sa Local Price Coordinating Council sa Tagum City niadtong Abril 28, 2026 aron palig-onon ang koordinasyon sa price monitoring initiatives sa syudad.
Gitambungan kini sa nagkalain-laing ahensya ug stakeholders, diin pormal usab nga gitukod ang Price Monitoring Task Force isip lakang sa mas episyenteng pagbantay sa presyo sa merkado.
Gipresentar sa Department of Trade and Industry (DTI) ang kahimtang sa presyo sa mga batakang palaliton, samtang ang Department of Energy (DOE) naghatag og update sa fuel price monitoring.
Sumala sa City Government, ang maong inisyatiba kabahin sa padayon nga paningkamot sa lokal nga panggamhanan aron mapanalipdan ang konsyumer, mapalig-on ang patas nga presyo, ug masiguro ang transparency sa lokal nga merkado.
Photo Courtesy : Tagum City Business and Incentive Center
