Naapil ang unom ka unibersidad sa Pilipinas sa Times Higher Education Asia University Rankings 2026, nga naglista sa mga top nga eskwelahan sa Asia. Nanguna sa mga eskwelahan sa nasud ang Ateneo de Manila University nga naa sa ranggo 501 hangtod 600.
Sunod niini, parehas nga naa sa ranggo 601 hangtod 800 ang De La Salle University, Mapúa University, University of Santo Tomas, ug University of the Philippines. Samtang ang Mindanao State University–Iligan Institute of Technology naa sa 801 pataas nga kategorya.
Gibasehan sa ranking ang lima ka aspeto sama sa kalidad sa pagtudlo, research, kalidad sa research output, international nga koneksyon, ug relasyon sa industriya. Sumala sa T-H-E, 929 ka unibersidad gikan sa 36 ka nasud ang ilang gi-evaluate gamit ang 18 ka basehan.
Sa kinatibuk-an nga ranking sa Asia, padayon nga nanguna ang mga eskwelahan sa China ug daghan gihapon sila sa top 10. Apil usab sa top nga mga nasud ang Singapore, Japan ug Hong Kong, samtang misulod na usab ang Malaysia sa top 40 sa pinaka-unang higayon.
Photo Courtesy:GMA
