Malinawon ang pag-areglo sa mga grupo sa mamumuo nga adunay mga reklamo sa ilang trabaho. Kini atol sa Single Entry Assistance Desk Officers (SEADOs) sa National Labor Relations Commission (NLRC) Region XII gipahigayon ang maong kalihokan kataposang semana sa Abril 2026.
Ang mga SEADO sa General Santos City ug Koronadal City nakatabang sa pag-uli sa mga benepisyo pinaagi sa amicable settlement. Lakip sa mga na-areglo mao ang 8 ka Reefer Technicians gikan sa General Santos nga nakadawat sa ilang 13th Month Pay, SIL Pay, ug Savings nga mikabat og ₱120,962.76.
Laing grupo sa upat ka trabahador ang nakakuha usab og ₱116,183.52 alang sa susamang mga claim. Samtang sa Koronadal City, duha ka retiradong trabahador gikan sa Koronadal ug T’boli, South Cotabato ang nakadawat sa ilang retirement pay nga nagkantidad og ₱351,696.76.
Pinaagi niining Single Entry Approach (SEnA), nahatagan ang mga trabahador ug mga amo og mas paspas ug dili tensyonado nga pamaagi sa pagsulbad sa ilang dili pagsinabtanay kaysa sa pag-agi sa taas nga proseso sa korte.
Kini nga inisyatibo nagpakita sa importansya sa dayalogo ug kooperasyon aron makab-ot ang hustisya sa mubo nga panahon. Daghan sa mga trabahador ang mipahayag sa ilang kahupay ug katagbawan tungod kay daling nasulbad ang ilang mga mulo sa tinahod nga paagi.
Ang NLRC Region XII nagpabilin sa ilang tinguha nga mapatunhay ang kalinaw sa industriya pinaagi sa paghatag og patas ug dinaliang serbisyo sa tanan.
Photo Courtesy:NLRC Region XII
