Gidunggab ang duha ka lalaki nga pulos myembro Jewish community sa nasud sa London ug giila kini sa Metropolitan Police nga usa ka terrorist attack. Ang mga biktima, edad 34 ug 76 anyos, nadala sa ospital ug giingong anaa na sa stable nga kahimtang.
Ang suspek nga usa ka 45-anyos nga British citizen, gidakop sa mga kapulisan human sa panghitabo. Sumala sa otoridad, misulay pa kini og sukol samtang ginadakop. Gituohan usab nga naa siyay history sa krimen ug walay problema sa panghunahuna.
Sumala ni Prime Minister Keir Starmer, ang insidente usa ka pag-atake batok sa Jewish community. Daghang saksi ang nag-ingon nga nangdagan ang mga tawo human makita ang lalaki nga nagdala og kutsilyo ug nanghasi sa dalan.
Padayon karon ang imbestigasyon sa mga otoridad, samtang giila nga seryoso nga hulga ang maong panghitabo sa kaluwasan ilabi na sa mga myembro sa Jewish Community. Tungod niini, naganawagan ang mga lider nga palig-onon pa ang seguridad aron maprotektahan ang komunidad batok sa susama nga insidente.
Photo Courtesy: BBC
